“É unha verdade universalmente aceptada que todo solteiro en posesión dunha gran fortuna necesita unha esposa”: este comezo –xunto co de Anna Karénina, quizá un dos máis famosos da historia da literatura- introdúcenos sabiamente no mundo de Jane Austen e da súa novela máis emblemática. Orgullo e prexuízo, publicada en 1813 tras o éxito de Xuízo e Sentimento, reúne de forma exemplar os seus temas recorrentes e a súa visión inimitable na historia das cinco fillas da señora Bennet, que non ten outro obxectivo na súa vida que conseguir unha boa voda para todas elas. Dous ricos novos, o señor Bingley e o señor Darcy, aparecen no seu punto de mira e inmediatamente ven sinalados como posibles “presas”. O opresivo ambiente da familia, a presión do matrimonio e do escándalo, a diferenza de clases, a pantasma da pobreza e a actitude dunha heroína máis rica e complexa en sentimentos que calquera heroína de calquera novela anterior, conxúganse nestas obra mestra lida e celebrada ao longo de dous séculos.